Kreu i eksportuesve jep alarmin: Si po na dëmton rënia e euros

Kreu i eksportuesve, Edvin Prençe tha në një intervistë për “Now me Erla Mëhillin” në Euronews Albania se rënia e euros po i dëmton ndjeshëm.

Sipas tij ajo që po ndodh, përveç krizës që po shkakton për bizneset ka filluar të ketë dhe efektin negativ social.

“Shqipëria është ndër të vetmit vende që nuk ka një industri të mirëfilltë. Edhe pse e shajnë, dhe pse e mallkojnë, dhe pse e përflasin dhe pse në disa raste e përçmojnë këtë sektor, por është i vetmi sektor që është i dislokuar, i përfshirë në të gjitha zonat rurale më të thella ku nuk ka industri tjetër. Kjo është pjesa sociale. Në momentin që këto biznese dhe sektori ka mbi 5 milionë euro humbje, mungesë likuiditeti vetëm nga kursi i këmbimit, kur sektori ka filluar të ketë probleme dhe në pagesat e sigurimeve dhe të gjitha detyrimeve që gjenerohen nga aktiviteti i tyre dhe jo sepse s’duan të paguajnë, por sepse s’kanë mundësi do të fillojnë të shkurtojnë vendet e punës,” – u shpreh Prençe.

LEXONI GJITHASHTU:

• Pse po bie euro? Flet ministrja e Financave: Ja zgjidhjet që kemi gjetur
• Përse po bie euro dhe dollari? Ministrja e Financave tregon arsyet