Kryetari i komunës së Preshevës, Shqiprim Arifi tha në një intervistë për Euronews Albania se marrëveshja e firmosur në Bruksel nuk i përmend shqiptarët e luginës.

“Nuk shohim asnjë garanci në këtë draft-dokument i cili jep garancinë se Serbia nuk do t’i diskriminojë shqiptarët, apo nuk do t’i pasivizojë shqiptarët. Pra, në përgjithësi është një marrëveshje që e ndjejmë si thikë pas shpine,” – u shpreh Arifi.

Ai tha se shpresa ka humbur dhe duket sikur nuk do të bëhet më mirë, por çfarë theksoi me siguri ishte se nuk do të ndalen me kërkesën e tyre bazuar në referendumin e 2 marsit.

“Edhe 50 vite më vonë, edhe 100 vite më vonë ne do të luftojmë që të jemi pjesë e Republikës së Kosovës, pavarësisht a na ka tradhtuar Kurti, pavarësisht nëse nuk do të ndalet Vuçiç, pavarësisht na përkrah ose jo Bashkimi Evropian në këtë përpjekje,” – deklaroi Artifi.

LEXONI GJITHASHTU:

• Asociacion serb në Kosovë? Gashi: Të trajtohen njësoj edhe shqiptarët në Preshevë
• Shaip Kamberi letër Escobarit: Në dialog të përfshihet edhe Lugina e Preshevës