Kreu i Sindikatës ngre shqetësimin: 100 € është pensioni për policët e Kosovës

Sindikata e Policisë së Kosovës ka dërguar një peticion në komisionin për të drejtat e njeriut, ku kërkon kushte më të mira për policët e Kosovës, sidomos për Njësinë Speciale e cila çdo ditë është në rrezik për jetë.

Peticioni i Sindikatës përfshin 10 kërkesa e para nga të cilat është ajo për ligjin e pagave.

Imer Zeqiri, kryetar i Sindikatës së Policisë së Kosovës tha në emisionin GoodMorning Albanians në Euronews Albania se pensioni i policëve të Kosovës është vetëm 100 euro.

“Policët në Kosovë dalin në pension në moshën 65-vjeçare, kërkesa jonë është që të bëhet ligji për pensionin në moshën 55-vjeçare. Edhe pas moshës 65-vjeçare ku polici del në pension, përfton një pension vetëm 100 euro, që nuk është as sa ndihma sociale. Ndaj janë këto arsye bazike që ligji për pensionin të bëhet. Në këtë drejtim qeveria e Kosovës ka nisur të punojë dhe po shpresojmë që brenda disa muajsh ta bëjë realitet”, tha Zeqiri.

LEXONI GJITHASHTU:

• Mbahet takimi i KS i OKB-së, Osmani përfaqëson Kosovën
• Vëmendje e shtuar për Kosovën/ Turishta: Lufta në Izrael s’duhet të heqë fokusin