Kreu i Sindikatës së Artistëve të Cirkut: Do vijojmë me protestat

Kryetari i Sindikatës së Artistëve të Cirkut, Julian Kazazi në studion e “Mirëmëngjes” deklaroi se do të vijojnë pritestat për shembjen e Cirkut Kombëtar.

Z. Kazazi tha se artistët kanë kërkuar që më herët të spostohet cadra e cirkut, madje kanë paraqitur pranë Ministrisë së Kulturës edhe planin tranzitor lëvizës.

Teksa foli për çëshjen e shembjes së cirkut, ai tha se Ministria e Kulturës nuk është paraqitur në seancat gjyqësore për marrjen e këtij vendimi edhe pse ka pasur dijeni.

Ai nënvizoi se ministria nuk ka njoftuar Avokaturën e Shtetit për t’a pasur palë, por kjo kërkesë është bërë nga artistët e cirkut. Sipas tij gjithçka është bërë në fshehtësi.

“Ne si artistë nuk kishim dijeni nga dhjetori i vitit 2019 deri në korrik të 2021 për 1070 metra shtesë”, u shpreh z. Kazazi teksa shtoi se pronari ka mundur të marrë metra shtesë nëpërmjet një vendimi të 2 viteve më parë.

Ai nënvizoi se nëse ministria do të funksiononte ashtu siç duhet, nuk ka pse dëmshpërblen me 750 mln lekë pronarin, por të merrte masat në kohën e duhur.

LEXONI GJITHASHTU:

• Artistët në protestë përpara Ministrisë së Kulturës për shembjen e Cirkut Kombëtar
• Shembet Cirku Kombëtar, trualli i rikthehet pronarit