Krijimi i aleatëve strategjikë, Andoni: Ministrat e Jashtëm kanë bërë punë minimale

Gazetari Ben Andoni tha për Euronews Albania se Shqipëria e ka të vështirë të krijojë aleanca me ndërkombëtarët, pasi nuk ka krijuar strategji për bashkëpunimin me ta.

Ai tha se do të mjaftonte të shikonim dokumentet në Ministrinë e Jashtme për të kuptuar që ministrat  kanë bërë shumë pak punë dhe se nuk kanë lënë trashëgimi në politikën e jashtme.

“Në qoftë se do bëje një kërkim në Ministrinë e Jashtme do kuptoje realisht peshën e shtetit  shqiptar. Do i referohen një studimi  të zotit Shaban Murati, në përpjekje për të gjetur dokumentacione ti shikon se shumica e ministrave të jashtëm shqiptarë, për mos të thënë të gjithë, e madje edhe diplomatë të saj në pjesën më të madhe; kanë lënë gati gjëra shumë minimale për punën e tyre, për strukturën se si ndërtohet politika e jashtme, apo se si nderohet politika e jashtme.

Ne përveçse nuk kemi dokumentin e pavarësisë, nuk kemi as  dokumentin e vitit ’26, dokument në të cilin fuqitë e mëdha të asaj kohe noterizuan kufijtë aktual të Shqipërisë. Atë dokument ti uk e gjen dot në arkivin e shtetit shqiptar. Nga këtu ti kupton se njerëzit që ne kemi zgjedhur dhe politikat që kemi bërë kanë qenë individuale”, tha gazetari Ben Andoni.

LEXONI GJITHASHTU:

• Dëshmia e parë kundër UÇK-së, kritika për tjetrësimin e videos në gjyqin në Hagë
• Slogan seksual? Enida Bozheku zbërthen mesazhin e sloganit të PS