Krishtlindje ndryshe në Vatikan, meshat do të transmetohen online

Papa Françesku ka anuluar ceremoninë që tradicionalisht hap sezonin e Krishtlindjeve të Romës, në datën 8 Dhjetor, për shkak të kufizimeve dhe frikës nga Covid-19.

Lajmi i mirë është se do të ketë një pemë Krishtlindjesh dhe dritat do të ndizen me 11 Dhjetor, por sërish do të ketë protokolle të Covid në vend.

Vatikani ka thënë se hyrja në të gjitha aktivitetet tradicionale të Krishtlindjes të drejtuara nga Papa, përfshirë bekimin dhe mesazhin e tij “Urbi et Orbi”  (“Për qytetin dhe botën”), do të kufizohen për shkak të COVID-19.

Papa drejton një meshë në Bazilikën e Shën Pjetrit, në mbrëmjen e 24 dhjetorit, çdo vit gjatë vigjiljes së Krishtlindjes.

Por këtë vit vetëm një numër i kufizuar njerëzish do të lejohen në Bazilikë për meshat e Krishtlindjes, të cilat do të transmetohen në televizion dhe në internet.