Kriza politike në Kosovë: LVV këmbëngul për Albulena Haxhiun si kryetare Kuvendi

6 Maj 2025 | 16:22

Lëvizja Vetëvendosje do të vazhdojë të insistojë në emrin e Albulena Haxhiut për kryetare të Kuvendit të Kosovës, pavarësisht se kjo përpjekje ka dështuar në gjashtë raunde votimi. Deputetët e Kuvendit nuk kanë arritur të konstituohen as pas njëmbëdhjetë tentimeve, duke thelluar ngërçin institucional.

Deputeti i LVV-së, Artan Abrashi, deklaroi se propozimi i Haxhiut mbetet në fuqi dhe se do të vazhdojnë të kërkojnë votim të fshehtë në seancën e radhës. Sipas tij, kjo formë votimi do t’u jepte deputetëve lirinë për të votuar pa presion partiak.

“Nuk besoj e kanë problem ata [opozita] emrin e përveçëm. Thjesht është një veprim bllokues dhe për të cilin besoj se këdo që do të vendosim do të vepronin njëjtë, pa marrë parasysh se deklaratat janë ndryshe. E propozuara jonë për kryetare të Kuvendit mbetet Albulena Haxhiu”, deklaroi Abrashi për Kosovapress.

LVV pretendon se ka votat për formimin e qeverisë, por konstituimi i Kuvendit mbetet pengesa kryesore. Abrashi theksoi se kriza aktuale është pasojë e refuzimeve nga partitë opozitare dhe se qytetarët tashmë po e kuptojnë se kush është përgjegjës për bllokadën.

Nga ana tjetër, kryetari i LDK-së, Lumir Abdixhiku, ka refuzuar ftesën e tretë të Albin Kurtit për një koalicion dhe ka propozuar formimin e një qeverie tranzicionale deri në vitin 2026, ide që është pranuar vetëm nga AAK-ja deri tani.

Përballë dështimeve të njëpasnjëshme, zgjedhjet e parakohshme po përmenden si zgjidhje e fundit nëse Kuvendi nuk arrin të konstituohet në ditët në vijim.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Serbia arreston në kufi 73-vjeçarin nga Kosova për krime lufte, familjarët hedhin poshtë akuzat

Ministria serbe e Punëve të Brendshme ka njoftuar se e ka arrestuar një person nga Kosova me iniciale O.S Ai u kap në pikëkalimin kufitar...
17:12 | 03/07/2026

Prokuroria Speciale ngre aktakuza ndaj 6 ish-gardianëve serbë për krime lufte kundër shqiptarëve

Prokuroria Speciale këtë të premte ka njoftuar se ka dorëzuar në Gjykatën Themelore në Prishtinë dy aktakuza me propozim për gjykim në mungesë, për veprën...
16:54 | 03/07/2026

Ankesa të reja në Gjykatën Supreme kundër rezultatit të zgjedhjeve në Kosovë

Të tjera ankesa janë dërguar pak para afatit të fundit kundër vendimeve të Panelit Zgjedhor për Ankesa dhe Parashtresa për rezultatin përfundimtar të zgjedhjeve në...
15:29 | 03/07/2026