Kryebashkiakja e komanduar e Himarës dha dorëheqjen, nesër mblidhet Këshilli

Pas dhënies së dorëheqjes së kryetares së komanduar të Bashkisë së Himarës, Blerina Bala, Këshilli Bashkiak ka njoftuar se mbledhja për emërimin e kryetarit të ri do të zhvillohet nesër më datë 07.06.2024.

“Të nderuar Këshilltar! Të nderuar qytetarë! Po ju bëj me dije se më datë 05.06.2024 kryetarja Bashkisë Himarë Znj. Blerina Bala ka depozituar dorëheqjen pranë Këshillit Bashkiak. Për arsyen e lartpërmendur Kryesia e Këshillit ka vendosur të ndryshohet orari i mbledhjes dhe rendi ditës i njoftuar zyrtarisht.

Mbledhja do të zhvillohet në datën dhe vendin e lajmëruar por në orën 16:00 dhe në rend dite do të shqyrtohet vetëm emërimi i Kryetarit të ardhshëm të Bashkisë. Faleminderit!”,-thuhet në njoftim.