“Kryebashkiaku nuk mban përgjegjësi për organikën” – Flet avokati i Vangjush Dakos

Petrit Ismaili, avokati i ish-kryebashkiakut të Durrësit, Vangjush Dako tha në një deklaratë për mediat pas vendimit të GJKKO që e la në burg këtë të fundit, se prokuroria nuk paraqiti asnjë provë.

Ismaili u shpreh se kërkesa e tyre ishte ndryshimi i masës së sigurisë, pasi sipas tij Dako ka ushtruar detyrën si kryebashkiak përmes strukturave vartëse, për veprimet e të cilave nuk mund të mbajë përgjegjësi.

“Dako po hetohet për një fakt penal historik. Ka 10-12 vjet që pretendohet për veprën penale. Po t’i referohemi dispozitave për këto lloj masa sigurimi kërkohet një veprim procedural i ngutshëm për të marrë këtë masë. Vepra penale ka mbi 10-12 vjet. Prokurori nuk tregoi asnjë provë për këtë veprim të ngutshëm e asnjë provë për të justifikuar kushtet e kriteret e masës së sigurisë. Kërkesa jonë është ndryshimi i masës së sigurisë. Dako e ka ushtruar aktivitetin e tij nëpërmjet organeve kolegjiale. Çdo strukturë i ka të përcaktuara detyrat. Nuk mund të mbajë kryetari përgjegjësi kryetari i bashkisë për veprimet e strukturës organike”, tha avokati.

LEXONI GJITHASHTU:

• Mbi 6 orë seanca për Dakon, gazetari: Ja dy masat e sigurisë që ndryshuan
• GJKKO merr vendimin, lihet në burg Vangjush Dako