Kryemadhi kërcënon Tabakun: Kujdes kur përmend LSI-në

Monika Kryemadhi kërcënoi Jorida Tabakun të ketë kujdes kur përmend emrin e LSI-së dhe çdo anëtari të saj.

“Nuk dua të merrem fare me zonjën Tabaku. Dua t’i bëj një gjë shumë të qartë, që të jetë shumë e kujdesshme kur të përmendi emrin e LSI-së sepse LSI-ja e bëri zonjën Tabaku nënkryetare bashkie,” – u shpreh Kryemadhi në studion e “Now” me Erla Mëhillin.

Kryetarja e LSI-së, akuzoi Tabakun se bashkë me Pëllumb Seferin emëronin gjithë edukatoret e kopshteve dhe çerdheve në Tiranë.

Kryemadhi i rikujtoi nënkryetares së PD-së se Shqipëria është fshat aq sa i madh, edhe i vogël dhe theksoi për të disatën herë se duhet të jetë shumë korrekte kur përmend Lëvizjen Socialiste për Integrim në Komisionin Hetimor.

LEXONI GJITHASHTU:

• Paratë e ardhura nga Malta blenë votat në 25 prill, pretendon Kryemadhi
• Komisioni hetimor zvarriti çështjen e inceneratorëve, thotë Kryemadhi