Kryeministri i Spanjës viziton Tiranën të hënën

Kryeministri i Spanjës, Pedro Sanchez do të zhvillojë një vizitë zyrtare të hënën në Tiranë.

Mësohet se Sanchez do të takohet me kryeministrin Edi Rama dhe në orën 10:00 pritet të kenë një konferencë të përbashkët për shtyp.

Sanchez po zhvillon një tur ballkanik dhë ndër çështjet që do të jetë në fokus është zgjerimi i Bashkimit Evropian.

Ai u takua në Beograd me presidentin serb, Aleksandër Vuçiç ku theksoi se Spanja e mbështet Serbinë kur është fjala për Kosovën, por se duhet të respektohet integriteti territorial.

Gjatë takimit të liderëve të BE-së në Bruksel në fund të qershorit, Sanchez vendosi të “riaktivizojë, ringjallë dhe rigjallërojë procesin e zgjerimit” për vendet e Ballkanit Perëndimor.

LEXONI GJITHASHTU

• Sanchez: Spanja është në anën e Serbisë kur vjen puna te Kosova
• Kryeministri spanjoll mbërrin në Beograd