Kryeministri Edi Rama ka vijuar takimet me qytetarët në Berat ku ka bërë prezantimin e kandidatëve për deputet për këtë qark për zgjedhjet e 11 majit.

Nga Berati Rama tha Shqipëria është transformuar falë përfshirjes masive të grave dhe vajzave, ndërsa shtoi se nëse dikur Partia Socialiste kishte vetëm 12% gra, sot ka 40% gra, ndërsa sipas tij më e mira është që kjo forcë politike të ketë 51% gra.

“Dëgjova sot, vetëm me gratë po e mund Rama kënetën, por kaq shumë sa jeni ju sot këtu, gra dhe vajza për të dëshmuar përkushtimin tuaj në këtë betejë për historinë, bufi i kënetës nuk i mbledh dot burra e gra në të gjithë qarkun e Beratit. Por më shumë se çështje numrash kjo është çështje transformimi. Është transformimi që ka pësuar Shqipëria falë përfshirjes masive të grave dhe vajzave në të gjitha nivelet e vendimmarrjes.

Shqipëria që ne trashëguam ki9shte një problem shumë të madh se qëndronte me një këmbë se nuk i kishte gratë dhe vajzat. Partia Socialiste kishte vetëm 12% gra, sot ka 40% gra, por ne nuk duhet të ndalemi këtu, në do ecim me vendosmëri deri sa në PS të kemi 50% nga dhe vajza. Madje unë besoj se më e mira është të kemi dhe një më shumë se burra dhe djem”,-tha Rama.