Kryeministri i Mbretërisë së Bashkuar, Keir Starmer ka shprehur mirënjohjen e tij në një postim në platformën X për ish-trajnerin e Anglisë, Gareth Southgate. 53-vjeçari, i cili drejtoi “3 Luanët” për 8 vite, i ka thënë lamtumirë këtë të martë finalistëve të Euro 2024.
“Koha e Gareth si trajner i anglisë do të mbahet mend për kthimin e shpresës dhe besimit për të cilin vendi kishte thirrur për kaq kohë. Ai dhe ekipi i tij na kanë dhënë shumë. Askush nuk do ta harrojë vrapimin në gjysmëfinalen e Kupës së Botës në 2018 osë dy finalet tona të para në Evropë. “- shkruan kryeministri.
Më tej, mes rreshtave a e ka quajtur ish-trajnerin si mentor të talenteve të shkëlqyera që ka ekipi i Anglisë.
“Në çdo hap të rrugës ka mbajtur mbi supe ëndrrat e vendit me dinjitet dhe nder. Unë bashkohem me të gjithë sot duke i falenderuar Gareth dhe ekipin e tij për gjithcka që kanë arritur dhe për hedhjen e themeleve për suksesin e ardhshëm.” – përfundon kryeminstri Starmer.
LEXONI GJITHASHTU:
- Southgate largohet nga Anglia, 102 ndeshje në 8 vite në krye të “3 luanëve”
- Finalja e Euro 2024 Spanjë – Angli: Shanset, sondazhet dhe historia e skuadrave
