Kryepeshkopi i Shqipërisë, Anastas Janullatos, feston sot 95-vjetorin e lindjes. Në një mesazh të publikuar në rrjetet sociale, Kisha Ortodokse Autoqefale e Shqipërisë shpreh mirënjohjen dhe urimet për kreun e saj, duke i uruar Kryepeshkopit jetë të gjatë dhe të bekuar në shërbim të komunitetit.

Presidenti i Republikës, Bajram Begaj, gjithashtu ka uruar Kryepeshkopin Janullatos për ditëlindjen e tij, duke zhvilluar një bisedë telefonike me të. Në mesazhin e tij, Begaj vlerësoi kontributin e Kryepeshkopit në rindërtimin e Kishës Ortodokse në Shqipëri, duke i uruar shëndet dhe suksese në vijimin e misionit të tij shpirtëror.

Në bisedën telefonike që Begaj pati me Kryepiskopin Janullatos, ndër të tjera Presidenti i Republikës u shpreh: “Uroj që të keni shëndet për të vazhduar misionin në krye të Kishës dhe Ju shpreh mirënjohje dhe falenderime për kontributet e çmuara në rindërtimin e Kishës Orthodhokse Autoqefale të Shqiperisë”.

1 of 10

Njoftimi:

Me rastin e 95 – vjetorit të lindjes, Fortlumturia e Tij,  Kryepiskopi i Tiranës, Durrësit dhe i Gjithë Shqipërisë, Prof. Dr. Anastas Janullatos, mori urime të shumta nga personalitetet e Shtetit Shqiptar. Presidenti i Republikës së Shqipërisë, Shkëlqesia e Tij, Z. Bajram Begaj, ndër të tjera i uroi shëndet për të vazhduar misionin në krye të Kishës dhe shprehu mirënjohje e falënderime për kontributet e çmuara në rindërtimin e Kishës Orthodhokse Autoqefale të Shqipërisë.
Gjithashtu, urime u përcollën nga Kryetari i Bashkisë së Tiranës, Z. Erion Veliaj, deputetë e ministra, kryetari i Komitetit Shteteror të Kulteve, z. Bulku; Kryetari i Bashkisë së Himarës, Z. Vangjel Tavo dhe drejtues të tjerë lokal; trupi diplomatik; personalitete të shquara të vendit nga fusha e artit, akademikë etj.

Nuk munguan urime të përzemërta edhe nga krerët e komuniteteve fetare në Shqipëri dhe Këshilli Ndërfetar, si dhe krerë të Kishave të tjera Orthodhokse simotra në botë, p.sh. Patriarku i Rumanisë, Danieli etj.

Të shumta janë urimet nga i gjithë populli besimtar orthodhoks i Shqipërisë, klerikë e laikë, të cilët shprehën urimin për jetë të gjatë plot shëndet, si dhe mirënjohje e falënderime për punën  misionin, vizionin plot përkushtim ndaj ringritjes së Kishës Orthodhokse Autoqëfale të Shqipërisë.

LEXONI GJITHASHTU:

• “Keni mbështetjen tonë”- Ministri i Jashtëm grek takon Kryepeshkopin Janullatos
• Kremtohet 32 vjetori i fronëzimit të kryepiskopit Anastas Janullatos