Kryesia e PD: Mbledhja e Këshillit, sajesë e Bardhit për arsye personale politike

Kryesia e Partisë Demokratike ka reaguar me anë të një deklarate pak orë para se të zhvillohet mbledhja e Këshillit Kombëtar njoftuar më herët prej kreut të grupit parlamentar Gazment Bardhi.

Në deklaratën e publikuar Kryesia e PD ka sqaruar se mbledhja e këshillit të Bardhit dhe rregullorja e cituar prej tij është një sajesë e krijuar nga zoti Bardhi, ndërsa thuhet se Partia Demokratike do vijojë rrugën për ristrukturimin dhe ngritjen e strukturave të saj në çdo nivel.

Gjithashtu në deklaratë thuhet se zgjedhjet për kryetarin e ri do mbahen siç ishte paralajmëruar të shtunën.

DEKLARATA E KRYESISË

Ditën e djeshme me datë 26.03.2023 Komisioni i Apelimit, Integritetit dhe Etikës në Partinë

Demokratike mori në shqyrtim kërkesën e Kryesisë së Partisë për vlerësimin e përputhshmërisë së

Vendimit numër 59, datë 22.07.2023 të Sekretarit të Përgjithshëm me titull “Për thirrjen e mbledhjes së Këshillit Kombëtar të Partisë Demokratike të Shqipërisë”.

Në vendimin e shkurtuar, të publikuar mediatikisht, i cili i është dërguar elektronikisht edhe

Sekretarit të Përgjithshëm, Komisioni shprehet se nuk provohet miratimin i kësaj rregulloreje nga

Këshilli Kombëtar duke vendosur edhe shfuqizimin e vendimit të Sekretarit të Përgjithshëm.

Në reagimet e tij pas marrjes dijeni për vendimin e shkurtuar, Sekretari i Përgjithshëm ngre pretendimin se lajmi për miratimin e kësaj rregullore është publik dhe i shpërndarë gjerësisht ngaorganet mediatike.

Ky reagim i Sekretarit të Përgjithshëm është një përpjekje për të fshehur të vërtetën e mosekzistencës së rregullores në tërësi dhe pikës 7 të nenit 9 në veçanti. Fakt është se nuk ekziston asnjë akt miratimi i kësaj rregulloreje dhe madje as në draft dokumentin e publikuar në media nuk ekziston asnjë pikë 7 e nenit 9 siç është pretendimi mbi bazën e të cilit është thirrur mbledhja e Këshillit Kombëtar.

Në këto kushte çdo pretendim i tij për mbledhjen e Këshillit Kombëtar bazuar në këtë pikë të nenit 9 është i sajuar dhe po përdoret nga z Bardhi për arsye personale politike.

Kryerja e veprimeve aktive për organizmin e mbledhjes së Këshillit Kombëtar nga ana e Sekretarit

të Përgjithshëm, në kundërshtim me vendimin e Komisionit të Apelimit, Integritetit dhe Etikës është shkelje flagrante dhe e hapur e Statutit të Partisë Demokratike.

Partia Demokratike do të vijojë rrugën e saj për riorganizimin dhe ringritjen e strukturave të saj të

çdo niveli. Ky proces është i pashmangshëm dhe i domosdoshëm për rrugëtimin e PD drejt përmbushjes së misionit te saj.

Të shtunën demokratet do të zgjedhin Kryetarin e Partisë Demokratike dhe do të nisin ringritjen dhe riorganizimin e saj.

LEXONI GJITHASHTU:

• SHBA-ja bën gati masat e reja për ta ndihmuar luftën kundër motit ekstrem
• Tajvani ushtron zmbrapsjen e një pushtimi të simuluar kinez