“Ku ka grekë në Himarë? Të hapet çështja çame”! Debat mes Kocaqit dhe Barkës

Çështja e pronave në Himarë përplasi në debat studiuesin Panajot Barka dhe historianen Elena Kocaqi.

Në një intervistë për Euronews Albania Barka u shpreh se zvarritja e çështjes së pronave në Himarë ka për qëllim asimilimin.

Sipas Kocaqit, nuk mund të flitet për asimilim në Himarë, ku shumica e banorëve janë shqiptarë.

“Shumica shqiptarë janë në Himarë. Ku ka ndaluar ndonjëherë shteti shqiptar njëri në Himarë të deklarohet grek, problemi nuk është me deklarimin. Ka dy lloj etnish, etni prej gjaku siç jemi ne  shqiptarët dhe tjetër me deklarim, që nuk dua të jem kështu, po dua kështu. Shqipëria ka ndjekur etninë e gjakut, është edhe kjo tjetra, që e dëmton Shqipërinë ndaj duhet pasur kujdes”, tha Kocaqi, teksa kërkoi të hapet çështja çame.

“Për himarjotët se çfarë janë, duhen pyetur ata. S’mund të pretendojmë të ngremë pretendime për arvanitasit, ata nuk e njohin termin shqiptar që ka dalë vonë. I mëshoj idesë që të hapet çështja çame se  unë kam dosje të nazizmit gjerman dhe jam dakord të hapen. Nuk ka çështje çame në mënyrë unike politike. Nëse ka individë që ka të drejtën e pronës, të shkojë t’i marrë duke shfrytëzuar legjislacionin  shqiptar dhe grek”,  u shpreh Barka.

LEXONI GJITHASHTU:

• Për herë të parë një kryeministër grek në Himarë, Beleri: Ja çfarë do i kërkojmë 
• Deti dhe Minoriteti, Mitsotakis përsëri në Shqipëri, e zbulon Fredi Beleri