Kuçi: Shqipërinë e Kosovën i bashkon gjithçka, por i ndajnë politikanët

Analisti Gurakuq Kuçi është shprehur se Shqipërinë dhe Kosovën e bashkon çdo gjë por dy vendet i ndajnë politikanët.

Në një intervistë për Euronews Albania, ai tha se nuk po arrijmë që interesat tona shqiptare t’i bashkojmë me interesat tona perëndimore.

Sipas tij përplasjet gjeopolitike po përplasin dhe Shqipërinë dhe Kosovën.

“Shqipërinë dhe Kosovën i bashkon gjithçka, por i ndajnë politikanët. Shqipëria dhe Kosova duke qenë pjesë e një kuadri strategjik perëndimor, kanë të përbashkët historinë, etninë, kulturën, gjuhën dhe çdo gjë tjetër. Ka një fuqi rajonale, me kompetenca rajonale, por kjo gjë nuk është duke u shfrytëzuar, po e shfrytëzon Serbia.

Ne nuk po arrijmë që interesat tona shqiptare t’i bashkojmë me interesat tona perëndimore. Përplasjet gjeopolitike po na përplasin dhe neve, në vend që përplasjet gjeopolitike ti shfrytëzojmë për interesin e shqiptarëve. “- tha ai.

LEXONI GJITHASHTU: 

• NATO-së i shterojnë rezervat, 20 nga 30 vende anëtare s’kanë armatime për Ukrainën
• ‘Targat’, Elezi: Qytetarët e kanë pritur marrëveshjen, s’ka të bëjë me tradhti