English

Kujdeset vullnetarisht për gjelbërimin në Gjirokastër, banori: Doja qytetin me lule

KOMENTE

SHPERNDAJE
ARTIKULLIN

Text sizeAa Aa

Për gati një jetë të tërë gjirokastriti Klement Laboviti është përkujdesur vullnetarisht për sipërfaqet e gjelbra në qytetin e Gjirokastrës. Banor i vjetër i lagjes “Varosh” çdo mëngjes Klementi ujit, mirëmban apo krasit shiritat e gjelbër anës rrugës kryesore që përshkon këtë pjesë të qytetit të Gjirokastrës.

- Advertisement -

 “Kam patur vetë dëshirë, doja të shikoja një gjë të bukur në lagje, një gjelbërim, një diçka që më tërhiqte tërë jetën me lule, më pëlqejnë shumë lulet dhe ndërhyja kudo në lagje, vendosja lule dhe i krasitja vetë pastaj i mirëmbaja vetë të gjitha”,-tha Klement Laboviti, banor i Gjirokastrës.

“Kujdesem për lulet në gjithë këtë zonë, i kam mbajtur këto lule vetë, dhe do ti mbaj sa të  rroj, do ti mbaj”.

Për të lulet dhe fidanët e rinj janë njësoj si fëmijët, të cilët duan dashuri dhe përkujdesje.

 “Nuk i lë dot ti shikoj kështu sepse i mbjell  vetë dhe është si ajo fëmija që  e rrit dhe duhet ti rrish pranë, dhe kështu e kam edhe unë me lulet”,-tha tha Klement Laboviti, banor i Gjirokastrës.

Klementi vazhdimisht merr vlerësimet e banorëve të qytetit për kujdesin vullnetar që tregon për mjediset e gjelbra. Megjithatë ai apelon për mirëmbajtjen e lulishteve që janë mjedise të përbashkëta në shërbim të komunitetit.

 “Është një gjë shumë e mirë, nuk e bëjnë të gjithë, kush hedh plehra pas luleve,  unë shikoj ngrihem në mëngjes shikoj gazeta, peceta i hedhin majë luleve, i marr i heq, më vjen keq sepse është një gjë, është një frymëmarrje pa gjelbërim nuk ke ku vete” tha Laboviti.

Gjirokastriti Klement Laboviti shprehet i bindur se përkujdesjen vullnetare për lulishtet do ta vazhdojë deri sa të ketë të jetë, pasi në këtë mënyrë jep një kontribut të vlefshëm për qytetin e gurtë.

 “Po derisa të vdes, e kam traditë edhe në avllinë time mund të gjesh lule dynjanë që i mbaj nëpër vazo, lule, palma i mbaj vetë nuk i heq dot lulet, pa lule nuk rroj dot” ,-u shpreh ai.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×