Alarmon Çashku: Ka pasur tentativa për zhdukjen e arkivave tona!

Regjisori i njohur Kujtim Çashku ka dhënë një intervistë ndryshe për emisionin “Interview” në Euronews Albania ku theksoi se ka ndodhur krime të mëdha që kanë lidhje me zhdukjen e arkivave të Shqipërisë.

Mes tjerash ka ngritur alarmin duke thënë se arkivat janë keqtrajtuar  ndërsa shtoi se po bashkëpunojnë me autoritetin e dosjeve për të nxjerrë në dritë dëshmitë e forta të kohërave.

“Duhet  të dini se ka një grabitje botërore, ka shumë vende që e kanë kuptuar se ça do të thotë kultura e imazhit për të parë dhe për të grabitur këto miniera që padyshim mund të shërbejnë si luftërat që bëhen sot për ikonat, për dëshmitë arkeologjike. Do doja të thosha se kanë ndodhur krime të mëdha në lidhje me  zhdukjen e arkivave tona, arkivat tona janë braktisur, janë keqtrajtuar dhe kështu që unë e ngre këtë si alarm.

Ne jemi duke bashkëpunuar me autoritetin e dosjeve për të parë dhe për të dëshmuar, qofshin dhe ato gjëra që kanë të bëjnë me filmimet e kohës. Ato dëshmi janë shumë të fuqishme. Po flas për gjërat e mbetura nga marrëzitë e kohës. Do të vijë koha që duhet hedhur dritë mbi këto krime”-tha ai.

LEXONI GJITHASHTU: 

• Shfaqja ujore “Fou de bassin” e trupës teatrore Ilotopie, me 15-16 Maj tek Liqeni
• Rama nga Athina: Si ka mundësi që edhe pas 84 vjetësh Ligji i Luftës është në fuqi