Kupa e Ligës në Angli: Eliminohet Arsenal, Tottenham përballet me Liverpool

Forma e mirë e Newcastle në kampionat është pasqyruar edhe në Kupën e Ligës, ku ata arritën të regjistrojnë një tjetër fitore ndaj një kundërshtari pretendent siç është Arsenali. “Qymyrxhinjtë” zhvilluan një tjetër ndeshje të shkëlqyer, duke shënuar dy gola në transfertë dhe e siguruar fitoren e shtatë radhazi në të gjitha kompeticionet.

Pavarësisht tentativave të Arsenalit, të cilët dukshëm ishin më kërkues, goli i parë u shënua nga suedezi Alexander Isak në minutën e 37′. 6 minuta nga fillimi i pjesës së dytë, Anthony Gordon shënoi për të dyfishuar avantazhin, me shifrat që mbetën të pandryshuara deri në fund të takimit.

Ndeshja e kthimit do të luhet më 5 shkurt. Po atë mbrëmje, do të luhet edhe gjysmëfinalja tjetër mes Tottenham dhe Liverpool. Dueli i fundit mes këtyre dy skuadrave, i zhvilluar më 22 dhjetor në kampionat, prodhoi një spektakël të vërtetë, me 9 gola të shënuar – 6 për Liverpool dhe 3 për skuadrën e drejtuar nga Ange Postecoglou.

Favorit në këtë përballje cilësohet Arne Slot, ndërsa Tottenham vuajnë disa mungesa të rëndësishme, ndërsa Liverpooli është i plote përveç mungesës së Gomez.

LEXONI GJITHASHTU:

• Vlerësohet më lart se Haaland, Broja spikat kundër City-it, nxjerr blof Phill Foden
• Premier League: Man City në krizë rezultatesh, Ruben Amorim debuton me barazim