“Kupa është synimi i Chelsea”, Pochettino flet për Brojën: Është rikuperuar 100%

Fitimi i Carabao Cup ështën një synim për Chelsean e Mauricio Pochettino, i cili në kampionat nuk po kalon një formë të mirë. Trajneri argjentinas ka analizuar përballjen e së martës me Newcastle, ndërsa është ndalur të flasë në disa pika, mes tyre sulmuesin Broja dhe rikthimin e francezit Christoph Nkunku. Argjentinasi do të provojë të fitojë trofeun e parë që prej kalimit tek blutë, ndërsa situata sa i përket dëmtimeve po përmirësohet.

Blerja e fundit nga Leipzig, ajo e francezit Nkunku do të debutojë në mbrëmje, ndërsa do të jetë në stol. Tekniku ka konfirmuar se rikthimi i tij është i vështirë, ndërsa roli i titullarit do të ndahet me një mes Brojës dhe Jackson. Sipas tij, ylli shqiptar është rikuperuar 100%.

“Tani ka të bëjë me ndihmën që ne duhet t’i japim atij që ai të ndihet 100%, dhe më pas të shohim sesi mund ta ndihmojë ekipin dhe të shohim se në cilin pozicion, në cilat dinamika të ndryshme ai përshtatet dhe është vendimtar. Kjo është ajo që të gjithë presin. Tani ne kemi Xheksonin dhe Broja është plotësisht i rikuperuar”, deklaroi Pochettino.

Kjo është faza çerekfinale e kompeticionit, ku në rast fitoreje, blutë e Londrës do të kualifikohen mes 4 më të mirëve. Në garë për fitimin e trofeut janë dhe gjigantët e Liverpool apo dhe ekipe si Everton, Fulham e Middlesbrough.