“Kupa u derdh!” Sali Berisha: Po vjen pranvera e ndryshimit të madh

Ish-kryeministri Sali Berisha tha se po vjen pranvera e ndryshimit të madh. Në një bashkëbisedim me gazetarët Berisha deklaroi se tashmë kupa është derdhur pas vendimit për njohjen e opozitës që do Lulzim Basha dhe Enkeled Alibeaj.

Po ashtu ai ka shtuar se kryeministri Rama është i tmerruar nga ngjarja e Mcgonigal dhe po përpiqet të kapet pas fijeve të barit

“Ajo që duket është fenomeni i kupës. Me gjithë aktet e tij, vjedhjet e panumërta, qëndrimet antidemokratike në lidhje me krimin e drogën. Kupa u derdh me vendimin për të emëruar opozitën që dëshiron ‘Alibasha Brava’ dhe me këtë start siguroj shqiptarët se kjo do jetë pranvera e ndryshimit të madh. Ju e dini se veprimet e Edi Ramës, ishin veprime në ekstrem të një njeriu të tmerruar që rryma drejt Mcgonigal dhe përpiqet të kapet në fije të barit si ‘brava’ dhe ‘Alibasha’. Tjetër është moral i Edi Ramës dhe pengjeve të tij, e tjetër morali i shqiptarëve”,-tha Sali Berisha në takimin e kësaj të premteje me gazetarët.

LEXONI GJITHASHTU

• Berisha i prerë: Nuk ka negociata me “Alibashën”! Janë pengje
• Koalicion për zgjedhjet? Meta flet pas takimit me Berishën në selinë e PD-së