“Kurti do shkaktojë krizë të madhe në Veri”, çfarë paralajmëron deputeti Berisha

Deputeti i Partisë Demokratike të Kosovës, Hisen Berisha tha në një intervistë për Euroneës Albania se Albin Kurti do të shkaktojë një krizë të madhe në Veri.

Sipas tij kryeministri i Kosovës është me idenë e zhbërjes së pavarësisë dhe krijimin e një republike të re.

“Se sa do ta realizojë është çështje tjetër. Në këtë vend ka një kategori qytetarësh që i kanë dalë zot këtij vendi dhe do të jenë të gatshëm prapë. Procesin politik po e respektojmë sepse ne besojmë te partnerët ndërkombëtarë, te Shtetet e Bashkuara të Amerikës, të cilët na kanë mbështetur edhe të lirohemi. Çdo vendim që e kemi marrë në harmoni me ta, kemi dalë të fituar. Çdo vendim që jemi ngutur ta marrim pa u koordinuar me partnerët ndërkombëtarë, që na kanë ndihmuar të vijmë deri këtu ku jemi ne kemi dështuar dhe ky kryeministër, çdo vendim që e ka marrë është detyruar të tërhiqet me marrëveshje të dëmshme për Kosovën. Ky ka një doktrinë udhëheqëse të vetën ku thotë se Millosheviçi realizoi objektivat e veta duke u përplasur me ndërkombëtarët dhe kjo është një shans për ne shqiptarët e Kosovës. Po përplasjet e ktij tani me partnerët ndërkombëtar? Shanc për kë janë? Përveçse Serbisë dhe Rusisë. Kjo është një strategji e Kurtit që ne duhet ta ndalim,” – u shpreh Berisha.

Sipas tij, Kurti duhet të kontrollojë shëndetin mendor sepse përplasjet e tij me ndërkombëtarët po çojnë në fundosjen e Kosovës.

LEXONI GJITHASHTU:

• ‘Pse Albin Kurti rezistoi kaq shumë dhe pastaj pranoi kushtet?’ Flet Sadri Ramabaja
• Vuçiç: Surinami tërhoqi njohjen ndaj Kosovës