Vuçiç: Surinami tërhoqi njohjen ndaj Kosovës

Presidenti i Serbisë, Aleksandër Vuçiç, ka pretenduar se shteti i Surinamit e ka tërhequr njohjen ndaj Republikës së Kosovës. Këtë deklaratë, Vuçiç e ka bërë pas takimit që kishte me Albert Ramdin, ministër i Punëve të Jashtme nga shteti i Surinamit

“Jam i kënaqur që pata mundësinë të pres sërish shefin e diplomacisë së Surinamit, me të cilin shkëmbyem mendime për drejtimet e zhvillimit të mëtejshëm të marrëdhënieve tradicionalisht miqësore mes dy vendeve

Surinami ka një rëndësi të veçantë për ne, sepse me tërheqjen e njohjes së të ashtuquajturës Kosovë, u bë shembull për mbi 25 vende të tjera që atëherë bënë të njëjtën gjë.

Shfrytëzova rastin të falënderoj edhe Qeverinë e Surinamit për mbështetjen e kandidaturës së Beogradit për organizimin e Ekspozitës Ndërkombëtare Botërore #EXPO2027’, shkroi Vuçiç, në rrjete sociale.

Ndërkohë që Vuçiç vazhdon të konsideroj se ”pavarësia e Kosovës është e njëanshme“, dhe në kundërshtim me të drejtën ndërkombëtare kjo çështje është hehdur poshtë nga Gjykata Ndërkombëtare e Drejtësisë (GJND) qe e ka shqyrtuar një gjë të tillë. Serbia prej kohësh vazhdon një diplomaci aktive kundër anëtarësimit të Kosovës në institucionet ndërkombëtare dhe në atë që njihet tashme si tërheqje e njohjes së pavarësisë nga disa shtete që e kanë njohur Kosovën.

LEXONI GJITHASHTU:

• “Po dërgojnë sisteme antitank”| Rritja e rolit të Turqisë në Kosovë alarmon Serbinë
• Haradinaj sulmon Thaçin: Hashimi e Mustafa kanë qenë turistë në UÇK