Kurti flet për vizitën e shefit të CIA-s: Dëshmi e përkushtimit të SHBA për sigurinë

Vizita e kreut të CIA në Kosovës, për kryeministrin Kryeministri Albin Kurti është dëshmi e përkushtimit që SHBA ka ndaj paqes në rajon.

Ky është qëndrimi që kryeministri i Kosovës ka mbajtur këtë të martë lidhur me mesazhet e shefit të inteligjencës amerikane, William Burns, pak ditë më parë në Prishtinë,

“Takimi ka shkuar shumë mirë. Dhe natyrisht që ne kemi bashkëpunim me Shtetet e Bashkuara të Amerikës dhe këtë institucion tejet të rëndësishëm të inteligjencës dhe sigurisë, para së gjithash përmes Agjencisë së Kosovës për Inteligjencë. E falënderoj William Burnsin për vizitën në vendin tonë dhe kjo është dëshmi tjetër e përkushtimit dhe kujdesit të Shteteve të Bashkuara për sigurinë dhe parandalimin e çfarëdo kërcënimi të sigurisë për Republikën tonë në kuadër të marrëdhënieve bilaterale me SHBA-në dhe të paqes, stabilitetit, e sigurisë rajonale në Ballkanin Perëndimor”, tha Kurti.

Javën e kaluar kreu i CIA zhvilloi një tur në disa prej vendeve të Ballkan. Ai vizitoi Bosnjën, Serbinë dhe më pas Kosovën. Në Prishtinë, kreu i CIA u takua me Presidenten Vjosa Osmani dhe kryeministrin Albin Kurti. Vizita u zhvillua në momentin që Departamenti Amerikan i Shtetit kritikoi qëndrimin e qeverisë së Kosovës për hapjen e Urës së Ibrit.

LEXONI GJITHASHTU:

• Kurti: Vizita e shefit të CIA-s, dëshmi e marrëdhënieve të forta midis dy shteteve
• Shefi i CIA mbërrin në qeverinë e Kosovës, takim me Kurtin