Kurti fushatë në RMV, i bashkohet koalicionit të opozitës shqiptare

Lëvizja Vetëvendosje e kryeministrit të Kosovës, Albin Kurti është përfshirë edhe zyrtarisht në garën për pushtet në Maqedoninë e Veriut duke iu bashkuar koalicionit të opozitës shqiptare në një koalicion.

Kryetari i Lëvizjes Demokratike, Izet Mexhiti shkroi në Facebook se në hapjen e zyrës së përbashkët të këtij koalicioni në Shkup mori pjesë edhe Bekim Qoku, këshilltar i Kurtit.

“Më gëzon fakti që në këtë ditë të bukur, frontit tonë opozitar iu bashkëngjit edhe Lëvizja VETËVENDOSJE, dhe pas ndryshimit në Kosovë dhe Luginë, bashkërisht do e sjellim ndryshimin e shumëpritur edhe tek shqiptarët e Maqedonisë së Veriut”, shkruan Mexhiti.

Bekim Qoku, këshilltari Kurtit tha se LVV-ja “po bëhet shtylla e katërt e këtij fronti opozitar për të sjellë ndryshimin e shumëpritur në Maqedoninë e Veriut”.

LEXONI GJITHASHTU:

• Krisja e raporteve Kurti-Osmani! Gazetari zbulon çfarë ndodhi në përplasjen e fundit
• Deputeti serb sulmon Kurtin: Kokëfortë dhe diktator si Vuçiçi, po dëmtojnë Veriun