Kurti: Jam për zgjedhje të parakohshme në veri, çfarë më thanë ndërkombëtarët

Kryeministri i Kosovës, Albin Kurti në një deklaratë për gazetarët ka bërë me dije se ai është pro për zhvillimin e zgjedhjeve të parakoshme në veri të Kosovës.

Ai nënvizoi se situata e tensionuar në Veri i intereson vetëm Beogradit. Kurti theksoi se ndërkombëtarët nuk kanë arritur të plotësojnë premtimin që në zgjedhje të merrte pjesë lista serbe.

Kurti theksoi se nuk ka garanci që në zgjedhjet e parakohshme të përsëritet ajo që ndodhi më 23 prill, ku lista serbe bojkotoi me pjesëmarrjen.

‘Unë besoj se kemi treguar gatishmëri dhe investimin tonë maksimal për deeskalim. Eskalimi po ndodh në territor të Kosovës normalisht që i intereson Beogradit. Zgjedhjet parakohshme janë ata që e largojnë kryetarin nga ambienti i komunës. Më shumë se ¾ e ekstremisteve të dhunshëm të identifikuar janë në liri.

Zgjedhjet e parakohshme do të duhet të përgatiteshim. Unë i kam lutur faktorët ndërkombëtar. Mua më kanë premtuar ndërkombëtarët se po e pranuam aneksin e zbatimit në Ohër, lista Serbë merr pjesë. Unë dua pjesëmarrje të serbëve por nuk mund ta detyroj Listës Serbe të marrë pjesë. Lista Serbe po rrëshqet në shkelje të ligjit, që organet tona të sigurisë të shpallen terroriste. Ndërkombëtarët nuk kanë arritur që ta plotësojnë premtimin ndaj meje që të merrte pjesë Lista Serbe. Unë jam për zgjedhje të parakohoshme, por në anën tjetër nëse nuk ke asnjë gram garanci se në zgjedhjet e parakohshme të përsëritet 23 prilli.’- tha Kurti.

LEXONI GJITHASHTU: 

• Peshëngritësja 15-vjeçare shqiptare fiton 3 medalje ari në kampionatin për të rinj
• Rama nesër në Kosovë, Kurti: Nuk e takoj nëse nuk do të ketë mbledhje të dy qeverive