“Kurti nuk është gati për negociata”, Vuçiç: Bisedimet s’kanë kuptim pa Asociacionin

Presidenti i Serbisë, Aleksandër Vuçiç i sheh të pakuptimta bisedat dhe negociatat për noramlizimin e marrëdhënieve mes Kosovës dhe Serbisë, nëse Prishtina zyrtare nuk pranon Asociacionin.

Kështu ka deklaruar presidenti serb para takimit me të dërguarin e posacëm të Bashkimit Europian për Ballkanin Perëndimor, Miroslav Lajcak, i cili ka nisur këtë të hënë vizitën zyrtare në Beograd pas qëndrimit dyditor në Prishtinë, ku ka biseduar me kryeministrin e Kosovës, Albin Kurti.

“Do ta them si i shoh gjërat dhe çfarë mund të bëjmë në të ardhmen. Të mërkurën dhe të enjten, do të flas sa i përket Kosovës. Por nëse dikush nuk është i gatshëm as të bisedojë, e lëre më të zbatojë Asociacionin e komunave serbe, atëherë kjo nuk ka kuptim”, theksoi ai.

Takimi i radhës mes liderëve të Kosovës dhe Serbisë, nën ndërmjetësim të Bashkimit Evropian do të mbahet më 18 mars në Ohër.

Fokusi i bisedimeve do të jetë udhërrëfyesi për zbatimin e marrëveshjes për rrugën drejt normalizimit të marrëdhënieve ndërmjet Kosovës dhe Serbisë, për të cilën Vuçiç dhe Kurti, sipas kreut të diplomacisë evropiane, Josep Borej, ranë dakord më 27 shkurt në Bruksel.

LEXONI GJITHASHTU

• Takimi në Ohër, Kurti: Po shqyrtojmë 15 modelet e ofruara për asociacionin
• Pence thirrje SHBA-ve: Mos rinovoni marrëveshjen bërthamore me Iranin, është rrezik
• “Nga Mali i Zi për 2 minuta”, miratohet pr.ligji për ndërtimin e Urës së Bunës