Kurti për takimin me Vuçiçin në Bruksel: Shkova për marrëveshjen finale

Kryeministri i Kosovës, Albin Kurti foli në lidhje me takimin që pati në Bruksel me presidentin e Serbisë, Aleksandër Vuçiç, ndërmjetësuar nga i dërguari i Posaçëm për dialogun, Miroslav Lajçak.

Në një konferencë për mediat në Prishtinë pas mbledhjes së qeverisë, Kurti u shpreh se në takim nuk shkoi për çështjen e targave, por për të diskutuar për një marrëveshje finale mes Kosovës dhe Serbisë.

“Kur ma kanë dërguar ftesën nga Brukseli që të shkojë në takim me presidentin e Serbisë, arsyeja kryesore pse kam shkuar nuk janë targat. Unë kam shkuar që të fillohet të diskutohet propozimi për marrëveshjen finale, se prandaj jam kryeministër.

Nuk mund të shkojë kryeministri në Bruksel me prioritet targat. Prej 18 gushtit, struktura e takimeve është e qartë, pika e parë korniza: korniza e përgjithshme e marrëveshjes. Unë për këtë gjë kam shkuar. Ata hoqën dorë nga propozimi i BE-së”, theksoi ai.

LEXONI GJITHASHTU

• ‘Të pranohet kërkesa e SHBA-ve’, Haradinaj: Situata në veri drejt përshkallëzimit
• ‘Shqetësuese marrëdhëniet me SHBA-të’, analisti: Kurti nuk e di se çfarë kërkon
• ​’Borrell iu përshtat Serbisë’, Kurti jep detaje të reja për takimin në Bruksel