Kurti përjashtohet nga takimi në ambasadën amerikane për Asosacionin

Sot pritet të mbahet në ambasadën amerikane në Prishtinë, përfaqësues të institucioneve të qeverisë dhe të opozitës për të diskutuar për Asociacionin e komunave me shumicë serbe.

Të zgjedhurit e partive opozitare kanë konfirmuar pjesëmarrjen në takim. Atyre do iu bashkangjiten edhe përfaqësues nga Presidenca, Kryeministria dhe Kuvendi. Në takim merr pjesë edhe nga shoqëria civile.

Nga Ambasada bënë të ditur se po thirrin një takim me ekspontentë nga sfera politike në Kosovë, liderë e përfaqësues nga shoqëria cilvile që të diskutohet për një “çështje me rëndësi”, pra themelimin e Asociacionit.

“Ne jemi duke ftuar një grup divers të liderëve të shoqërisë civile, zyrtarëve qeveritarë, liderëve politikë dhe diplomatëve, për të diskutuar këtë çështje me rëndësi”, thuhet në përgjigje të ambasadës për Radion Evropa e Lirë.

Ndërsa, pjesë e këtij takimi nuk do jetë Kryeministri i Kosovës, Albin Kurti. Vetë ky i fundit ka treguar se nuk ka marrë një ftesë të tillë nga amerikanët.

“Unë nuk jam ftuar në atë takim, por ata që janë ftuar, le të shkojnë në atë takim dhe le ta diskutojnë”, njoftoi shefi i ekzekutivit javën që shkoi.

Ne takim pritet të jenë dy zëvendësit e Kurtit që janë ftuar në këtë takim. Emilja Rexhepi e ka konfirmuar pjesëmarrjen, ndersa edhe Besnik Bislimi pritet të jetë aty, ndonëse nuk ka konfirmim zyrtar për të.

Zëdhënësi i Qeverisë, Përparim Kryeziu, po ashtu ka deklaruar se edhe pse Kurtit s’i kanë çuar ftesë, në diskutim për Asociacionin, nga Ambasada është ftuar Shefi i Stafit të Kryeministrit, Luan Dalipi.

Po ashtu, i pranishëm do të jetë edhe Ministri serb i Qeverisë Kurti, Nenad Rashiç.

Fondacioni “Friedrich-Ebert-Stiftung” dhe “Instituti Evropian për Paqe” kanë publikuar sot draft-statutin për Asociacionin e Komunave me Shumicë Serbe me 18 nene, dhe që është riemërtuar “Asociacioni i Komunave në të cilat komuniteti serb kosovar është shumicë”.

LEXONI GJITHASHTU

• Plenkoviç kundër presidentit kroat: Kosova nuk u aneksua nga ndërkombëtarët
• Cilat janë pasojat nëse Kurti nuk e pranon Asosacionin? Flet deputeti i LVV-së
• Deputeti i LVV-së zbulon se çfarë qëndrimi do të mbajë Albin Kurti për Asosacionin