“Kurti po bën apartheid” Propaganda serbe ekspozon kamionët me pamje të rreme në OKB

Disa kamionë të financuar nga Serbia, u vendosën në rrugët kryesore të Nju Jorkut, duke shfaqur në video-monitor gjigantë pretendime të pavërteta që sipas tyre dokumentojnë dhunën dhe “apartheidin” që po ndodh ndaj serbëve në Kosovë.

Në video-monitor shfaqet dhe fytyra e kryeministrit të kosovës Albin Kurti, i cili akuzohet nga serbët si personi përgjegjës i pretendimeve të rreme.

Pamjet përmbajnë gjithashtu pamje të krimeve të pretenduara të UÇK-së, si dhe të presionit që po ushtrohet mbi popullsinë serbe, por këto pretendime nuk përputhen me faktet dhe nuk reflektojnë situatën reale.

Organizatorët e aksionit, thanë për mediat serbe se qëllimi i tyre është të tërheqin vëmendjen ndërkombëtare mbi “torturën dhe dhunën” ndaj serbëve në Kosovë.

Kamionët ndodhen aktualisht pranë selisë së OKB-së, ndërsa iniciativa shihet si një formë propagande e përqendruar në perceptimin ndërkombëtar të situatës politike në Kosovë.

Pamjet dhe akuzat e shfaqura nuk pasqyrojnë realitetin dhe kanë për qëllim të krijojnë dezinformim.

LEXONI GJITHASHTU:

• Gazetarja rrëfen dëshmitarin Rubin: Marrëdhënia me Thaçin dhe prapaskenat në Rambuje
• Gjyqi në Hagë/ Rubin: Nuk ka prova që UÇK të ketë bërë trafik droge
• Rubin vijon dëshminë në Hagë: Krasniqi kërkoi dërgimin e trupave tokësore në Kosovë