Kurti: Vrasjet e fëmijëve në Kosovë janë krimet më të tmerrshme të Serbisë

Kryeministri i Kosovës, Albin Kurti është shprehur, se vrasja e fëmijëve kosovarë janë krimet më të tmerrshme që ka kryer Serbia.

Kurti tha se ngjarje të tilla, përveç se mbledhin kujtime dhe e ndajnë dhimbjen, i shërbejnë edhe kujtesës kolektive, për të shkuarën, për të mos e harruar kurrë atë.

“Për të nderuar dhe lartësuar kujtimin e fëmijëve të vrarë dhe të zhdukur gjatë luftës, Qeveria e Republikës së Kosovës është e angazhuar në projektin për memorialin dedikuar atyre. Liria jonë i ka rrënjët te të rënët për liri.

Vrasjet e fëmijëve në Kosovë janë krimet më të tmerrshme të Serbisë. Andaj, e kemi obligim për lirinë dhe paqen që e gëzojmë, për drejtësinë që e synojmë që kurrë mos t’i harrojmë”, tha Kurti, mbrëmjen e djeshme  teksa vizitoi ekspozitën “Bebëzat e mallit”, dedikuar fëmijëve të vrarë, të zhdukur dhe të prekur nga lufta në Kosovë.

LEXONI GJITHASHTU:

• “Testi përfundoi 90 sekonda më herët”, studentët ngrenë padi kërkojnë mbi 5 mijë $
• “Ngrohja me dru është luks në Korçë”, pedagogia: Me çfarë po ngrohen qytetarët