Kurti: Vuçiç refuzoi ofertën time për vetëmenaxhim të serbëve

Kryeministri i Kosovës, Albin Kurti, ka thënë se presidenti serb, Aleksandër Vuçiç e ka refuzuar një ofertë të tij për “vetëmenaxhim të serbëve të Kosovës, në një asociacion” që do ta hartonte dhe propozonte vetë Kurti.

Ai nuk ka dhënë më shumë hollësi për këtë ofertë.

Në një postim në Twitter, Kurti ka përmendur këtë refuzim të Vuçiçit, duke i rikujtuar edhe refuzimet tjera të presidentit serb për të nënshkruar Marrëveshjen për normalizim të marrëdhënieve mes Kosovës dhe Serbisë më 27 shkurt, si dhe aneksin për zbatimin e kësaj Marrëveshjeje, më 18 mars në Ohër.

After refusing to sign the Feb. 27 Agreement & before refusing again to sign it w/ the Mar. 18 Annex, Serbia’s President declined my generous offer of self-management for 🇽🇰Serbs, in an association that I’d draft & propose. Is he Dr No or Mr Nyet? Well, we know he’s not a doctor.

— Albin Kurti (@albinkurti) March 21, 2023

Vuçiç është shprehur se Kurti në takimin në Ohër ka folur për “tri shtylla” mbi të cilat duhet të bazohet Asociacioni, por Serbia nuk mund ta pranojë këtë, sepse për Asociacionin është dakorduar me Marrëveshjen e Brukselit.

“Asociacioni është i rëndësishëm sepse serbët kanë një kornizë institucionale për veprim”, tha Vuçiç.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij.

LEXONI GJITHASHTU:

• Kurti: Serbia të dënohet për mosnënshkrimin e marrëveshjes në Ohër
• Kurti ndihmoi Vuçiçin, ish-diplomati tregon se çfarë ndodhi në Ohër