Kush do i zërë vendin Krajës? Hoxha: Pazari nga politika më shumë në KLP se në SPAK

Gazetari Poli Hoxha ka komentuar zgjedhjet për kreun e SPAK, ku deri më tani janë tre kandidatë, dhe njëri prej pritet të zërë vendin e Arben Krajës.

Në një intervistë për Euronews Albania, ai tha se brenda SPAK ka një luftë të egër se kush do të vendoset në krye të këtij institucionit.

“Kemi parë vettingun, që ka ecur përpara, por kemi raste shumë flagrante, me dy standarde dhe këtë e krijoi politika. Që kur është hapur gara në SPAK ka pasur një luftë të egër brenda llojit, për kreun e SPAK.

Këtë situatë e shoh shumë kritike. Ky tre vjeçar i SPAK do të ketë finalizime shumë të mëdha. Dimë që shumë zyrtarë të lartë janë në radhë në SPAK për shumë çështje.”- tha ai.

Më tej gazetari nënvizoi se pazaret dhe presionet nga politika po bëhen më shumë në KLP, institucioni që zgjedh se kush do të jetë në krye të SPAK.

“I gjithë topi është në fushën e KLP, të cilët do të dëgjojnë platformat e kandidatëve. Këtu kam dyshimet e mia sepse KLP shpesh ka çeduar. Presioni ose lobimi për kreun e SPAK po bëhet në KLP”- përfundoi ai.

LEXONI GJITHASHTU: 

• SPAK akuza ndaj Alqi Bllakos edhe për inceneratorin e Elbasanit
• “Mazhoranca po ndërhyn në zgjedhjet e SPAK”, Hoxha: Kim i bëri thirrje Ramës