Kush është i interesuar për eleminimin e Ervis Martinajt? Gazetari jep detaje

Gazetari Eni Ferhati thotë se i shumëkërkuari, Ervis Martinaj ka pasur tre konflikte të hapura.

Në emisionin “Review” në Euronews Albania, Ferhati u shpreh se Martinaj ka kundërshtar Ervis Doklen, i cili u zbulua nga dëshmia e Nuredin Dumanit.

Sipas Ferhatit, Martinaj ka pasur gjithashtu konflikte me një grup kriminal që operon në zonën e Fushë-Krujës.

Ndër të tjera, gazetari nënvizoi se Martinaj kohët e fundit ishte fuqizuar sa i takon çështjes së pronave dhe mund të ketë sjellë konflikt edhe me nivele të larta të politikës.

“Një nga kundërshtarët e Ervis Martinajt u ekspozua nga dëshmia e Nuredin Dumanit, për të cilin SPAK-u ngriti dhe akuzën, pasi SPAK-u kishte bërë edhe disa verifikime në fakt, duke parë udhëtimin e emisarëve të Ervis Martinajt, që kishin udhëtuar drejt Kosovës, për të takuar pikërisht Nuredin Dumanin për t’i ofruar sasinë e konsideruar prej 500 mijë eurosh.

Në dijeninë time ka pasur një konflikt të hapur edhe me një grup kriminal që operon në zonën e Fushë-Krujës. Ka pasur probleme të tjera edhe me biznesmenë të nivele të ndryshme. Është lakuar në fakt, jo zyrtarisht që konfliktet e tij të hapura kanë prekur edhe nivele shumë të larta të politikës, sa i takon edhe çështjes së pronave”, theksoi ai.

LEXONI GJITHASHTU

• Ish-prokurori i Krimeve të Rënda: Tre versionet që duhen ngritur për Ervis Martinajn
• Softa: Agjenti i Vis Martinajt s’ka vepruar i vetëm, të hetohen drejtues të policisë
• ‘E njoh Ervis Martinajn’, Prençi: Si filloi përplasja mes tij dhe politikës