“Kush është pronari i shtëpisë së Ibrahimajt”, Bardhi replika me Spiropalin

Me replika dhe debate është shoqëruar seanca plenare e Kuvendit ditën e sotme.

Deputeti Gazment Bardhi i është përgjigjur ministres Elisa Spiropali pasi kjo e fundit i doli në mbrojtje koleges Delina Ibrahimaj, ndërsa sulmoi deputeten Jorida Tabaku.

Bardhit tha se nuk intimidohen nga fjalët e mazhorancës, ndërsa ka theksuar se pronari i shtëpisë ku jeton Ibrahimaj është një nga oligarkët që paguhet me paratë e buxhetit të shteti.

“Askush në këtë sallë nuk ka të drejtë t’i drejtohet asnjë deputeti të opozitës duke i thënë “kjo, përfaqësuesja e opozitës së vulës”. Secili prej nesh është përfaqësues i qytetarëve dhe meriton respekt. Varfëria në argumente, varfëria në përgjigje nuk i jep askujt të drejtë të vendos epitete. Ju, Spiropali, jeni e fundit që mund të flisni këtu për termat që përdorni. Ne nuk intimidohemi prej jush. Do themi atë që mendojmë dhe dimë. Në cilën shtëpi jeton ministrja e financave? Pronari i shtëpisë ku jeton Ibrahimaj është një nga oligarkët që paguhet me paratë e buxhetit të shtetit”- tha ai.

LEXONI GJITHASHTU: 

• Lëvizte me pistoletë nëpër qytet, arrestohet 31-vjeçari në Fushë-Krujë
• “Nuk vjen nga rruga”, Spiropali i kthehet Tabakut, i del në mbrojtje Ibrahimajt
• “Shërbëtore e oligarkëve”, debat në Kuvend mes Bardhit e Ibrahimajt