Kush është viktima që u ekzekutua me armë në Vlorë

Burime për Euronews Albania bëjnë me dije se 23-vjeçari, i cili ka mbetur i vdekur si pasojë e të shtënave me armë zjarri në qytetin e Vlorës, është shtetasi Gëzim Sinomati.

Ngjarja ka ndodhur në afërsi të poliklinikës së qytetit, në lagjen “Hajro Çakërri, ku në rrethana ende të paqarta është qëlluar me armë zjarri në drejtim të të riut duke e lënë të vdekur.

Shërbimet e Policisë raportohet se kanë rrethuar zonën dhe kanë ngritur pika kontrolli në hyrje dhe në dalje të qytetit, si dhe përgjatë rrugëve që lidhin njësitë administrative, me qëllim kapjen e autorit/ve.

Grupi hetimor po vijon punën për sekuestrimin e çdo prove materiale që do ti shërbejë zbardhjes së ngjarjes dhe identifikimit të autorit/ve.

Në ndihmë të Policisë Vendore janë nisur Forcat Speciale Renea, Forcat Kombëtare të Sigurisë dhe Delta Forcë.

LEXONI GJITHASHTU:

• Vrasja në Vlorë, policia: Është qëlluar me armë, viktima një 22-vjeçar
• “Një nënë 41-vjeçare me 4 fëmijë nuk arrin në vetëvrasje”, Softa: S’ka vetëm 1 pistë
• Brenda banesës së Bedrie Lokës/ Flet vajza e 41-vjeçares: Mami kishte shenja dhune