Kush ju ka urdhëruar të bojkotoni? Kaso hedh poshtë pretendimet: Mashtrime…

Ivi Kaso deputet i PD, i ftuar në “Now” ka komentuar lidhur me votimin që do zhvillohet nesër për rezolutën e PS për shpalljen e Iranit shtet sponsor i terrorizmit.

Ai ka hedhur poshtë pretendimet se deputetët e opozitës janë udhëzuar të mos e votojnë dokumentin, duke shprehur gjithashtu kritika mbi procedurën dhe mënyrën se si është vendosur në rend dite kjo rezolutë.

“Mashtrime, nuk është e vërtetë që seanca ishte parashikuar për datën 17 mars. Ka një kalendar punimesh të miratuar me vendim të Kuvendit të Shqipërisaë ku seanca normale është parashikuar datë 19 mars.

Arsyeja  e vetme që nuk mbahet në këtë datë është se nuk i do qejfi kryetarit të Kuvendit për shkak të axhendës së tij personale.

Rezoluta për Iranin nuk është rezolutë të jetë e hartuar në përputhje me nevojën që ka politika e jashtme e një vendi qoftë për të dalë edhe në krah të partnerit satrategjik që janë SHBA-të, siç nuk ka dalë asnjë vend tjetër në botë, vetëm SHBA e ka bërë deri tani.

Nëse do duhet të ishim vendi i dytë meriton një diskutim serioz dhe që kjo rezolutë, nëse ishte urgjente të kalonte në procedurë normale parlamentare. Kjo është një tekë e Edi Ramës për të dalë si suportues i SHBA-së. Nuk ka bojkot , nuk do shkojmë në një seancë që është e thirrur me një rend dite.

Kjo rezoltutë as nuk është depozituar si nismë e qeverisë , ende nuk është diskutuar, si mund të miratohet nesër?”, ka theksuar Ivi Kaso.