Kush mban përgjegjësi? Noka: Të jepen shpjegimet për sulmet kibernetike

Sekretari i Pergjithshëm i PD, Flamur Noka, ka ngritur disa pyetje në Komisionin e Sigurisë, ndaj qeverisë në lidhje me sulmet kibernetike në vendin tonë dhe tenderat sekrete.

Noka ka theksuar se kompanitë që janë paguar për ndërtimin, administrimin dhe mbrojtjen kibernetike të sistemit dixhital në vendin tonë duhet të mbajnë përgjegjësi.

Ndër të tjera ai kërkon përgjegjësit për nxjerrjen e të dhënave të shqiptarëve si dhe për sulmet kibernetike nga Irani.

“A kanë përgjegjësi sipas jush kompanitë që janë paguar për ndërtimin, administrimin dhe mbrojtjen kibernetike të sistemit dixhital në qeverinë e Shqipërisë? A mban kush përgjegjësi në këtë shtet për tenderat sekret në vlerën e 195 milionë euro të bëra ndërkohë që efekti i pagesës dhe tenderave sekret që keni paguar ishte zero. A ka kush përgjegjësi? Sepse e kaluat çështjen e të dhënave që nxorët tek patronazhistët dhe askush nuk u ndje përgjegjës.

Të paktën sot që ne dolëm si shtet të zbuluar përballë terrorizmit kibernetik të Iranit, a ka kush përgjegjësi?”- tha Noka.

Vendi ynë është përballur me sulme kibernetike nga Irani për dy herë radhazi. Më 15 korrik ku u sulmuan sistemet qeveritare dhe shërbimet e qytetarëve dhe para pak ditësh sistemi TIMS u përballë me një sulm kibernetik.

LEXONI GJITHASHTU: 

• Sulmi kibernetik akti pastër terrorist, thotë ish-drejtuesi i policisë
• ‘Pse s’veproi shteti për organizatorët?’, Zeka për publikimin e të dhënave
• Mentor Kikia: Qeveria ‘show’ me aksionet për konfiskimin e pallateve