Kush mund ta ketë përdorur 31-vjeçarin që sulmoi Berishën? Hoxha tregon skenarin

Në një intervistë për Euronews Albania, gazetari Poli Hoxha u shpreh se 31-vjeçari Gert Shehu, i cili goditi dje me grusht kreun e PD-së, Sali Berisha mund të jetë viktimë e një skenari destabilizimi.

Gazetari u shpreh se mund të ketë një lidhje midis ngjarjes së Tiranës dhe tensioneve në veri të Kosovës me qëllimin destabilizimin e vendeve.

“Më e rrezikshmja në të gjitha këto, do ta thosha duke parë pak më lart, duke parë dhe studiuar profilin mund të jetë një viktimë e mundshme për t’u përdorur pa dijeninë e tij se çfarë mund të shkaktonte.

Skenar destabilizimi mund të ketë qenë dje, se kishim edhe shpërthime dhe të shtëna ne veri të Kosovës. Mund të ketë një lidhje mes të dyja, është një pistë në këtë situatë gjeopolitke, duke  ndërlidhur me samitin me gjuhën e ashpër të Vuçiç, duke ditur edhe dorën e zgjatur të Rusisë në rajon. Nuk mund të themi që agresori është spiun, por mund të ketë qenë viktimë”, u shpreh ai.

LEXONI GJITHASHTU:

• Ori Nebiaj: Misioni i Shqipërisë është më i madh se misioni i një partie
• Pse Vuçiç doli i humbur dje? Analisti Daci zbulon çfarë ndodhi brenda samitit
• Ambasadori amerikan: S’janë krijuar kushtet që të mbahen zgjedhjet në veri