Kush po i përçan shqiptarët në RMV? Musliu zbulon lojën e fortë të VMRO

Analisti Albert Musliu, në një intervistë për Euronews Albania komentoi deklaratën e liderit të VMRO-DPMNE, Mickovski se dëshiron që koalicion opozitar i shqiptarëve në RMV, VLEN të jetë në qeveri.

Sipas tij, deklaratat e Mickovskit janë për të konsoliduar votuesit e vet, se sa për të përçarë shqiptarët.

“Interesat shqiptare në RMV janë prioritet, Mickovski e përdor me tepër për të konsoliduar votuesit e vet, të imponojë ndonjë emocion të ri te votuesit maqedonas se sa mund t’i përçajë shqiptarët. Te shqiptarët mund të ndodhë që dy-tre deputetë i bashkëngjiten një qeverie që nuk e ndryshon narrativën, por do ketë pasoja shumë të shpejta politike për atë subjekt”, tha Musliu.

Ai e cilësoi të pabazë deklaratën e koalicionit opozitar të shqiptarëve në RMV në drejtim të partisë tjetër shqiptare BDI apo Fronti Evropian se në përbërje të tyre nuk ka vetëm shqiptarë.

“Në të gjitha pushtetet lokale ku shqiptarët drejtojnë, i fitojnë zgjedhjet me ndihmën edhe të komuniteteve të tjera si turq apo romë”,  tha Musliu.

LEXONI GJITHASHTU:

• A do bëjnë koalicion shqiptarët në RMV me VMRO? Flet Menduh Thaçi
• RMV| Musliu: Me votat e opozitës shqiptare, Bujar Osmani do ishte në raundin e dytë