“Kushtetuesja bëri regres historik”, Gjekmarkaj komenton vendimin për Berishën

Deputeti i Partisë Demokratike Agron Gjekmarkaj ishte këtë të enjte në “Now me Erla Mëhillin” ku u shpreh se Gjykata Kushtetuese me vendimin e marrë për Sali Berishën ka bërë regres historik.

Duke komentuar vendimin e Kushtetueses e cila vetëm pjesërisht pranoi kërkesën e Sali Berishës, ai tha se Gjykata u tregua e papeshë.

“Sot Gjykata Kushtetuese për mua ka kryer një regres historik sepse ajo shfuqizoi çdo përpjekje që është bërë për të ruajtur jo thjesht imunitetin e deputetit, por garancitë kushtetuese të opozitës dhe përpjekjet që janë bërë për ta përsosur këtë betejë.

Unë nuk them që politikani duhet të ketë status të veçantë mbrojtje nëse është fajtor para ligjit. Por në të gjithë botën është një vendim i formës së prerë ai që e dënon një politikan”,-tha Gjekmarkaj.

LEXONI GJITHASHTU:

• A del Berisha nga “arresti i shtëpisë” pas vendimit të Kushtetuese? E sqaron Manjani
• Berisha pas vendimit të Kushtetueses: Turp i paralajmëruar, do shkojmë në Strasburg