Kuvendi i Kosovës miraton buxhetin për vitin 2024

Kuvendi i Kosovës e ka miratuar ligjin për buxhetin për vitin 2024, në një seancë të jashtëzakonshme të enjten në mbrëmje, e cila u braktis nga opozita.

Nga 64 deputetë të pranishëm në sallë, 63 votuan për, ndërsa një abstenoi.

Kryeministri i Kosovës, Albin Kurti, i falënderoi deputetët për mbështetjen e projektligjit për buxhetin në një reagim në rrjetin social Facebook menjëherë pas votimit. Projektligji ishte miratua në lexim të parë gjatë një seance në nëntor.

“Edhe këtë vit, për të tretin me radhë, buxheti miratohet në muajin dhjetor ashtu edhe siç duhet”, shkroi Kurti.

Projektligji ishte aprovuar nga Qeveria e Kosovës më 31 tetor, ndërsa shuma e paraparë buxhetore kap vlerën e mbi 3.3 miliardë eurove – nga 3.2 miliardë sa ishte në këtë vit.

LEXONI GJITHASHTU: 

• EMRI/ Kush është mjeku që lëshonte raporte mjekësore fiktive për studentët
• Mbytet aksidentalisht 38-vjeçari në Sarandë, çfarë deklarojnë familjarët