Kuvendi i Kosovës seancë solemne për Ditën e Çlirimit, i pranishëm edhe Begaj

Kuvendi i Kosovës është duke mbajtur një seancë solemne për nder të 25-vjetorit të Ditës së Lirisë apo Çlirimit të Kosovës, kur forcat paqeruajtëse të NATO-s hynë atje.

Hyrja e NATO-s në Kosovë shënoi edhe fundin e luftës që la më shumë se 13.500 njerëz të vrarë, kryesisht shqiptarë.

Seanca nisi me këndimin e himnit kombëtar shqiptar dhe himnit shtetëror të Kosovës, si dhe me një minutë heshtje për të gjithë të rënët në luftën e viteve 1998-’99.

I pranishëm në seancë është edhe shefi i atëhershëm i Misionit Verifikues të Organizatës për Siguri dhe Bashkëpunim në Evropë (OSBE), William Walker.

Walker luajti rol kyç në dokumentimin e masakrës në Reçak të Shtimes, ku forcat serbe vranë 45 civilë shqiptarë më 15 janar të vitit 1999. Walker e cilësoi ngjarjen si krim kundër njerëzimit.

Të pranishëm janë gjithashtu edhe presidenti i Shqipërisë Bajram Begaj, si dhe ish-president i Kroacisë, Stipe Mesiq.

LEXONI GJITHASHTU:

• Përvjetori i hyrjes së NATO-s në Kosovë dhe i themelimit të PS, Rama uron shqiptarët
• Kurti: Problemin e kemi me Beogradin, jo me serbët e Kosovës