Kuvendi i Kosovës voton për formimin e dy komisioneve hetimore për energjinë

Deputetët e Kuvendit të Kosovës votuan për themelimin e dy komisioneve hetimore për energjinë elektrike gjatë seancës së 5 majit.

Njëri komision hetimor është iniciuar nga partia më e madhe opozitare, Partia Demokratike e Kosovës, i cili do të kryesohet nga deputeti i Lidhjes Demokratike të Kosovës, Driton Selmanaj.

Komisioni tjetër është niciuar nga Lëvizja Vetëvendosje, dhe do të udhëhiqet nga deputeti PDK-së Hajdar Beqaj.

Komisioni hetimor i propozuar nga opozita synon që të hetojë të gjitha masat e ndërmarra gjatë periudhës së gjendjes emergjente për energjinë, që Kuvendi kishte votuar vitin e kaluar.

Masat e ndërmarra në periudhën e gjendjes emergjente ishin: Vendosja e kufizimeve në furnizimin me energji për konsumatorët dhe vendosja e obligimeve të veçanta për ndërmarrjet e energjisë. Si pasojë e krizës energjetike, Kosova u përball me shtrenjtim të energjisë.

Komisioni hetimor i LVV-së kërkon që të hetohen aktivitetet në sektorin e energjisë në periudhën kohore 2006-2022. Këtu përfshihet hetimi i investimeve kapitale në Korporatën Energjetike të Kosovës pas privatizimit të distribucionit në këtë kompani.

LEXONI GJITHASHTU:

• Tensione në Kuvendin e Kosovës