Kuvendi i PD, Korreshi: Të tërhiqen Basha e Berisha, duhet bashkim

Deputeti i Partisë Demokratike, Saimir Korreshi, ishte i ftuar këtë të shtunë në Euronews Albania, ku komentoi mbajtjen e Kuvendit Komëbtar të Partisë Demokratike dhe ndryshimet statuore që pritet të miratohen.

Koreshi i cilësoi proceset për zgjedhjen e Lulzim Bashës në krye të PD, si dhe mbajtjen e Kuvendit Kombëtar, si të njëanshme.

Deputeti theksoi se Basha bëri të njëjtën gjë si Berisha, duke ndërmarrë procese që ndajnë akoma më tej Partinë Demokrtike.

Ai theksoi se duhet një Parti Demokratike e Bashkuar, pa Berishën dhe Bashën, që të jetë konkurruese.

“Lulzim Basha na la në pritje ne deputetëve vetëm se ishim të mëndimit ndryshe. A e meritojmë ne atë të sharë kur ne nuk e përmëndëm në mbledhje të kryesisë asnjëri Lulzim Bashën? Duhet një Parti Demokratike e bashkuar, gjithëpërfshirëse, me procese jo të njëanëshme sepse ndasia që kemi me Sali Berishën është se Sali Berisha ka bërë një proces të njëanshëm që nuk janë përfshirë të gjithë njerzit në PartInë Demokratike”, tha Korreshi.

LEXONI GJITHASHTU:

• Statuti i ri i PD, pedagogu: Basha mblodhi Kuvendin vetëm për të hequr Gaz Bardhin
• Me himnin kombëtar në sfond, nis Kuvendi Kombëtar i PD
• Basha vetëzgjidhet në krye të grupit parlamentar të PD përmes ndryshimeve në statut