Kuvendi i Serbisë miraton raportin për procesin e negociatave me Kosovën

Deputetët e Kuvendit të Serbisë miratuan me shumicë votash raportin e qeverisë për negociatat për Kosovën, për periudhën nga shtatori 2022 deri në mes të janarit 2023.

Nga 186 deputetë të pranishëm, 153 votuan për raportin e qeverisë, 23 kundër dhe nëntë deputetë nuk votuan, shkruan Euronews Serbia.

Deputetët debatuan dy ditë në një seancë të posaçme kushtuar çështjes së Kosovës.

Dita e parë e seancës u karakterizua nga konflikte të shumta verbale, madje edhe nga një incident ku në një moment pati një përplasje mes deputetëve. Në ditën e dytë, Raporti u miratua pas seancës së orës 11:00.

Gjatë fjalës së tij në Kuvend, presidenti serb, Aleksandër Vuçiç deklaroi se 90 për qind e asaj që është bërë publike për planin franko-gjerman është e vërtetë dhe është lëshuar nga përfaqësues të komunitetit ndërkombëtar të cilët ishin të kënaqur me të.

Ai tha se problemi më i madh është neni i katërt i atij dokumenti, i cili përcakton se “Serbia nuk do të kundërshtojë anëtarësimin e Kosovës në organizatat ndërkombëtare”.

LEXONI GJITHASHTU

• Do e njohë Vuçiç Kosovën? Politikani serb tregon skenarët që do të ndjekë presidenti
• Analisti serb: Ja kur do ta njohë Serbia pavarësinë e Kosovës
• ‘6 kushtet për Asociacionin’, Vuçiç: Kurti po tallet më shumë me ndërkombëtarët