Kuvendi i Shqipërisë, Zhupa: Arrestimi i Mogherinit tregon “standardin evropian”

Deputetja e Partisë Demokratike, Ina Zhupa, gjatë fjalës së saj në Kuvend, ka kritikuar qeverisjen dhe lidhjet me institucionet evropiane pas arrestimit të Federica Mogherinit. Zhupa deklaroi se ngjarja tregon çfarë nënkuptohet me “standard evropian”.

Sipas saj, Kolegji i Evropës ka përfituar 17 milionë euro nga taksat e shqiptarëve për ndërtimin e një kampusi universitar.

“Sot e kuptuam të gjithë se çfarë nënkuptojmë me standard evropian, atë që keni adoptuar me Federica Mogherini, e cila ka qenë rektore në Kolegjin e Evropës. Jam në dilemë: a janë të korruptuar dhe zgjedhin bashkëpunëtorë si shokët e tyre në Shqipëri, apo vijnë për të masterizuar nga mjeshtrave e qeverisë për t’u korruptuar?”, tha deputetja.

Zhupa shtoi se vendimi i Këshillit Kombëtar të Territorit për lejen e zhvillimit të kampusit universitare ka krijuar një situatë të diskutueshme, duke theksuar nevojën për të sqaruar përdorimin e fondeve publike.