Kuvendi njeh Gazment Bardhin si kreun e grupit të PD, Felaj: Nuk ka ndryshime

Seanca plenare e kësaj të enjteje u shoqërua me debate të shumta lidhur me çështjen se kujt i takon drejtimi i grupit parlamentar të PD-së.

Në fjalën e saj drejtuesja e seancës plenare, nënkryetarja e Kuvendit Ermonela Felaj, deklaroi se është vënë në dijeni të shkresës ku 28 deputetë të PD konfirmojnë Gazment Bardhit në krye të grupit.

Ajo theksoi se Kuvendi nuk i është përgjigjur kësaj shkrese, për sa kohë është thjesht një konfirmim dhe nuk ka ndryshime në drejtimin e grupit të PD-së.

Sipas Felaj Kuvendi njeh Gazmend Bardhin si kreun e grupit parlamentar, por ftoi deputetët demokratë që problematikat t’i zgjidhin brenda grupit dhe jo në Kuvend.

“Kjo shkresa që mban titullin ‘njoftim’, dhe vetëm njoftim nuk është as nga forma, por është hartim, thotë: ‘Grupi parlamentar i PD diskutoi mbi situatën e paprecedentë të krijuar nga ana juaj, lidhur me kryesinë e grupit tonë, duke iu drejtuar Kryetares së Kuvendit’.

E çfarë do me thënë kjo? Është njoftim?

Dhe vazhdojmë në fund: ‘Për këtë arsye, në mbështetje të nenit 16 të rregullores ne deputetët anëtarë të grupit të Partisë Demokratike ju konfirmojmë se kryetar është Gazment Bardhi, dhe vijnë më pas nënshkrimet. Dhe qartësisht konfirmimi nuk është ndryshim dhe s’ka nevojë të bëhet njoftim Kuvendit aty ku gjërat nuk kanë ndryshuar’, u shpreh Felaj.

Që të jemi të qartë, këtu folën deputetë jashtë grupeve parlamentare, Kuvendi i Shqipërisë është i gatshëm të veprojë konform rregullores, prandaj i kërkon të gjithë deputetëve që janë pjesë formalisht e PD-së, pasi keni deklaruar vetë cilës parti i përkisni që në fillim, për këtë arsye ju bëjmë thirrje thirrin arsyes dhe bëjini vetë rregullimet brenda grupit parlamentar pasi këto nuk mund t’i bëjë Kuvendi.

LEXONI GJITHASHTU:

• BE i reagon Bardhit: S’kemi diskutuar për Avokatin e Popullit
• “Zgjidhni një herë problemet tuaja”, Felaj përplaset me Bardhin për kreun e grupit