Ambasada e Shteteve të Bashkuara të Amerikës ka ndarë shqetësimin e Delegacionit të Bashkimit Europian, lidhur me vendimin e Parlamentit të Shqipërisë për të mos-dërguar në Gjykatën Kushtetuese mandatin e deputetes Olta Xhaçka.

Në njoftimin e Ambasadës në rrjetet sociale shkruhet se marrja e hapave të nevojshme për vendimet e Gjykatës Kushtetuese është përgjegjësi qendrore e Parlamentit dhe është gjithashtu jetike për ndarjen e pushteteve.

Po ashtu Ambasda e SHBA-ve shkruan se qeveria dhe institucionet duhet të respektojnë rregullat, ligjet, vendimet e gjykatave dhe Kushtetutën, për një sistem demokratik të shëndetshëm.

Reagimi i Ambasadës së SHBA:

🇦🇱 Ambasada e SHBA ndan shqetësimin e Delegacionit të Bashkimit Europian lidhur me vendimin e Parlamentit të Shqipërisë për të shpërfillur një vendim të Gjykatës Kushtetuese. Siç vërejti kohët e fundit Kryetarja e Parlamentit, marrja e hapave të nevojshme për vendimet e Gjykatës Kushtetuese është përgjegjësi qendrore e Parlamentit dhe është gjithashtu jetike për ndarjen e pushteteve. Qeveria dhe institucionet duhet të respektojnë rregullat, ligjet, vendimet e gjykatave dhe kushtetutën – të gjitha të cilat janë aty për të siguruar që sistemi demokratik është i shëndetshëm dhe lulëzon.

LEXONI GJITHASHTU:

• Mandati i Xhaçkës nuk u dërgua në Kushtetuese, delegacioni i BE reagon për Euronews
• Spiropali dërgon në “Venecia” mandatin e Xhaçkës, zbardhet letra e plotë